CAM-I SAFA GEREKMEZ DÜNYA-YI DUN ELİNDEN - NEV'İ
GAZEL
Câm-ı safa gerekmez dünyâ-yı dûn elinden
Merdaneler, şikârı almaz zebûn elinden
Gam çekme câm-ı mergi yeksân sunar zamâne
Ol zehri Cem de çekmiş gerdûn-ı dûn elinden
Dil safhasına, baktım, etrafı cümle meşrûh
Bildim, bu nüsha çıkmış bir zi- fünûn elinden
Kefkef geçer denizler ışk ile muztarib-hâl
Dağlar şikâyet eyler sabr u sükûn elinden.
Ferhâd'a öz vücûdu dağlarca hâil idi
Yoksa değildi âciz ol Bî-sütûn elinden
Hâlî değil gönülden her giz o zülf ü şâne
Kârım katı müşevveş hâl-i derûn elinden
Ehl-i safa dilinden bir şi'r dedi Nev'î
Geh şükr ü geh şikâyet ışk u cünûn elinden.
İLGİLİ İÇERİK