GAMUNLA DEFTER Ü DİVANAM EY DOST - HOCA NEŞET
Gazel
Gamunla defter ü dîvânam ey dost
Kitâb–ı ‘aşkuña cunvânam ey dost
Temâşâ-yı cemâle öyle mahvam
Sana âyîneveş hayrânam ey dost
Meded cellâd-ı çeşmün kiştesîyem
O hûnî–gamzeñe kurbânam ey dost
Harâb-âbâd-ı caşkuñda yapılduk
Gamuñla gerçi kim vîrânam ey dost
Men ol pervâneyem şem-i cemâle
Ki rûz–i haşre dek sûzânam ey dost
Acebdür hâlümüz gayrîye pürsiş
Heme–esrârumı gûyânam ey dost
Niçün âzâr idersin ben garîbi
Bir iki gün sana mihmânam ey dost
Nihâdunda aceb yok mı terahhum
Revâ mı rûz ü şeb nâlânam ey dost
Gülistân-ı visâlün bülbüliyem
Yine Neş’et gibi nâlânam ey dost
İLGİLİ İÇERİK