OLMADA DİLLER RÜBÜDE GAMZE-İ CADUSUNA - FITNAT HANIM
Gazel
Olmada diller rübûde gamze-i câdûsına
Deşt-i hüsnün sayd olurlar şîrler âhûsına
Reng ü bûda zülf-i cânâna müşâbih olmasa
Kim bakar gülzâr-ı dehrün sünbül ü şeb-bûsına
Sad hezârân fitne meftûn bir nigâh-ı şûhına
Bin dil-i Hârût beste her ham-ı gîsûsına
Çille-i sahtın çeker her dem kemân ebrûlarun
Âferîn erbâb-ı aşkun kuvvet-i bâzûsına
Cismi hâk it ol sehî kaddün yolında Fıtnatâ
Nâ’il olmaksa murâdun devlet-i pâ-bûsına
(Çeçen, Halil (1996). Fıtnat Hanım Hayatı, Sanatı ve Divanı [İnceleme Metin]. Doktora Tezi. Malatya: İnönü Üniversitesi. 317.)
İLGİLİ İÇERİK