DÂSTÂN-I TEVÂRİH-İ MÜLÜK-I ÂL-İ OSMAN'DAN ÜÇ BÖLÜM- AHMEDİ
OSMAN GAZİ
Gitdi Ertuğrul cihandan yirine
Oğlı Osman kaldı anım yirine
Durmadı her yâna leşker saldı ol
Az zamanda çok vilâyet aldı ol
Oldı Osman bir ulu gazi kim ol
Nireye kim vardıyısa buldı yol
Bilecük'i itdi feth ol nâm-dâr
İnegöl ile dahi Köprihisâr
Kâfiri yıkup yakup ol nâm-dâr
Bursa vü İznik'i eyledi hisar
Eyle takdir itdi Hak azze ve celi
Ki almadan ol ikisin irdi ecel
ORHAN GAZİ
Ol ölicek aldı yirin Orhan
Ana didi ehl-i keramet ki uz hân
Heryanadan ilm ehliyitdiler
Dîn ne-durur şerh ü talirir Udiler
Heryanadan yürüdüben bir çeri
Rûz u şeb târâc itdi kâfiri
Kâfir üzre akdılar âvân-ı dîn
Andan itdiler gaza adın akın
Kâfiri karşu yivinden sürdiler
Küfri yire sokuban yitürdiler
Nirede kim varidi âsâr-ı şirk
Yudı tevhid anı vü kalmadı çirk
Ol zamandan kim farz oldı gaza
Bari anlar bigi kim kıldı gaza
Key ulu beğ aldı biş altı hisar
Bunlar aldi bunca il şehr ü diyar
Çünki Hak Orhan'ı itdi pâdişâh
Oldı ol dîn ehline puşt ü penâh
I. MURAD'IN ŞEHİD OLMASI
Kopdı bir cenk orada kim, rûzigâr
İtdi tarihini anun yadigâr.
Baş idi her yan kim itsen nazar
Gövde idi nereye kılsan güzâr
Yir dolu baş u ten idi kat kat,
Ölüler üstine yürür idi at.
Vurmadan ol harbe olup zebûn
Kaçdı kâfirler orada sernigûn
Kova gitti düşmeni hayl ü sıpâh
Kaldı birkaç kul ile bir yirde şâh.
Durdı anda kim, döniceğiz çeri
Ol arada bulalar ol Serveri
Kana âlûde olup tâ pâ-vü-ser
Yatur imiş anda bir kâfir meğer.
Gövdeler içinde oîmuşdur nihân,
Uk Gazi Han'ı görürdi ayan,
Çün kaza irdi, yatarken durdı ol
Sıçrayup hançerle Şah'ı urdu ol.
İskendernâme'den
İLGİLİ İÇERİK