HIRAMAN OL ÇEMENLERDE GEL EY SERV-İ REVANIM GEL --SEYYİD VEHBİ
MÜSTEZĀD-I SÜDĀSİYYE
mefāîlün / mefāîlün / mefāîlün / mefāîlün
mefāîlün / mefāîlün
Hırāmān ol çemenlerde gel ey serv-i revānım gel
Nedir bu nāz u istiġnā
Gözüm yollarda ḳaldı gel açıl ġonçe-dehānım gel
Gören ṣansın gül-i zîbā
Helāk-i ḥasret-i dîdārıŋ oldum künc-i fürḳatde
Mürüvvet yoḳ mudur ẓālim
Hayāt-ı tāze ver bu ḫaste-yi hicrāna cānım gel
Edip vaṣlıŋ ile iḥyā
Yeter şemşir-i ebrūyu uzaḳdan gösterip geçmek
Benim ey çeşmi cellādım
Derūnum çāk çāk oldu amān kesdiŋ amānım gel
Sarıî merhem gibi cānā
yıḳıldı gitdi cümle dünki gün gördükleriŋ aġyār
Yılan gibi ṣoḳulmuşken
Öu şeb virānemiz tenhādır ey genc-i nihānım gel
Gafālar eyle bî-pervā
Ne ṭaşlar dikdi ġamzeŋ sine-yi ˓uşşāḳa aŋlarsın
Ne deŋli çille çekmişler
Temāşā eyle Oḳ Meydānı'nı ḳaşı kemānım gel
Hedefdir tiriŋe dünyā
Beşikṭaş semtidir kāşānemizde rāḥat eylersin
Berāber ṣarılıp yatsaḳ
Benim ey dāye-perver ṭıfl-ı nāz-ı dil-sitānım gel
Kuluŋ olsun saŋa lala
Ruḫuŋ mir˒ātına Vehbi baḳıp bir nev ġazel yazmış
Efendim pek güzel yazmış
Şeker gibi oḳu ey ṭūṭi-yi şirin-zebānım gel
Lebiŋ būs eylerim amma
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012
İLGİLİ İÇERİK