İTDÜK HAYÂL-İ VASL HATÂMUZ BUDUR BİZÜM -SEYYİD VEHBİ
GAZEL
İtdük hayâl-i vasl hatâmuz budur bizüm
Düşdük ‘azâb-ı hicre cezâmuz budur bizüm
Feryâd dest-i hâr-ı sitemden ki gül gibi
Sad-pâre-sâz-ı ceyb-i kabâmuz budur bizüm
Olsa ‘aceb mi meş‘ale-efrûz-ı nâle dil
Kûy-ı habîbe râh-nümâmuz budur bizüm
İtdükce âh gülmez açılmaz derûnumuz
Bâğ-ı gamuz nesîm-i sabâmuz budur bizüm
Vehbî-veş istikâmetedür istinâdumuz
Ancak bu lağz-gehde ‘asâmuz budur bizüm
Sırr-ı kemâli bizde nola eylese zuhur
Nâbî Efendi’nün ki babamuz budur bizüm
Ol gitse pîrsüz kalur erbâb-ı ma‘rifet
Hakkâ ki pîr-i tâze-edâmuz budur bizüm
İLGİLİ İÇERİK