ÂŞIKAM ÂŞIKÂNEDÜR SÜHANÜM -SEYYİD VEHBİ
GAZEL
‘Âşıkam ‘âşıkânedür sühanüm
Şu‘ledür dil zebânedür sühanüm
Turfe Mûsâ-yı Tûr-ı ‘aşkam kim
Lenterânî terânedür sühanüm
Baña emsâlüm itmeyüp tercîh
Diseñe imtihânedür sühanüm
Saña i‘lâm-ı kâmdur garazum
‘Arz-ı hâle bahânedür sühanüm
Hep du‘â-yı devâm-ı devlet içün
Vird-i subh u şebânedür sühanüm
Devletüñ dâ’im ide Hak mâdâm
Vehbiyem sâdıkânedür sühanüm
(Divan, yk. 35b-36a)
İLGİLİ İÇERİK