HİNDİSTAN'DAKİ ODAM - ABDÜLHAK HAMİT TARHAN
Dâimî bir nesîm-î gaaliye-sâ
Bahr-i pür-nakş-ı mevce-yî beyzâ
O cihet servlerle belde-yi samt
Bu cihet ney-sitân-ı nağme-serâ
Kelebekler sükût İle uçuşur
Hiç sükût eylemez tuyûr ammâ
Leblerin çarhtan kılıp tavsîl
Öper ezhârı şems-i bî-pervâ
Fart-ı lezzetle her çiçek bayılır
Açılır şerm ile güler şeydâ
Yirmi revzenli bir büyük tâlâr
Hepsi revzenlerin bihîşt-nümâ
Zir û bâlâyı arz eder nazara
Kimi bir levhadır kimi meclâ
Sebzî-yi arz bir yeşil zulmet
Mâi bir nûr lâciverd-i semâ
Gezinir hod-be-hod elimde kalem
Anda bilmem ne eylerim hülyâ
Resmi çıkmış gibi bu manzaranın
Kâğıd üstünde şi’r olur peydâ
(Bunlar Odur)
İLGİLİ İÇERİK
ABDÜLHAK HAMİT TARHAN ŞİİRLERİ