"DEVLET" REDİFLİ GAZEL - NAMIK KEMAL
Sütûn-i istikaamettir imâd-î râye-yi Devlet
Tutar ol hâl ile mülkü ser-â-ser sâye-yî Devlet
Bulunmazsa adâlet milletin efrâdı beyninde
Geçer bir gün zemîne arşa çıksa pâye-yî Devlet
Arûs-ı mülke tezyînât-ı haşmet cevher-î candır
Olur hûn-âb-ı merdân-ı vatan pîrâye-yî Devlet
Eder kesb-i terakki bezi ü sarf ettikçe mahsûlün
Umûmun dâniş-î meksûbudur sermâye-yi Devlet
Müsadiftir gurûb-ı şemse devr-i neş’e-yî mestân
Olur hengâm-ı ikbâl-i erâzil gaaye-yi Devlet
Aceb mi hûn-ı mazlûmân ile eylerse perverde
Kazâ mekkâre-yî gerdûnu etmiş dâye-yi Devlet
Hümâ-yi evc-i istiğnâ-yi himmettir dilim Nâmık
Değildir mültecâ-yi iftihârım sâye-yi devlet
İLGİLİ İÇERİK
NAMIK KEMAL'İN HECEYLE YAZDIĞI ŞİİRLER
NÂMIK KEMAL HAYATI ve ESERLERİ
NAMIK KEMAL'İN TİYATROLARININ ÖZETLERİ