AŞK-I MAHRUM - CELAL SAHİR EROZAN
Fürûğ-ı hüsnünü hâtırladıkça ağlayarak
Nedâmet eyliyorum inkisâf-ı aşkımıza.
Onun hevâ-yı şebâbıyle mest ü müstağrak
Şu bî-sefâ kürenin kuytu bir kenârında,
Vefâ-perest iki kalbin bir ihtisâsıyle
İlel-ebed yaşamak fikri hoş gelirdi bana;
Yazık ki tâliimiz bir küçük temâsıyle
Bu ihtimâli de attı mezâr-ı nisyâna.
Dem-î gurûbta ufk-î vesî'-i humret-pûş
Nigâha arz ediyorken bir âlem-î yâkuut
O ömr-i aşka tahassürle ben tebâh olurum;
Bulutlu, giryeli, mâtemli bir hayâl-i hamûş
Eder semâ-yı hayâlimde ufk-ı lâhda sukuut:
Benim hayâl-i siyeh-reng-i aşkal mahrûmum!..
1899 (Beyaz Gölgeler)
İLGİLİ İÇERİK
