Page 2 of 2
Asker Geçerken
Nakkâre önde, bir müteharrik cebel gibi
Geçmekte zî-vekâr u tarâb mevkib-i zafer;
Sancak, o reng-i âl ile fecr-i ezel gibi
Fark-ı mehâbetinde saçar mevce mevce fer.
Herkes, büyük küçük, birikir reh-güzârına
Bir incizâb-ı rûh ile, pür-şevk u ihtirâm
Gözler dalar güzâriş-i satvet-medârına,
İsâr eder kudûmuna her nazra bir selam.
Durmaz yürür ketîbe-i rahşan-ı mefhâret;
Her lahza bir nümâyiş-i handan-ı mefhâret
Yüzlerde, süngülerde, kılıçlarda berk urur.
Kalmaz günûde geçtiği yerlerde hiss-i şan;
Ba'zen durur selâmına bir kışla… nâgehân
Bir seyf-i âmirâne parıldar: – Selâm dur!
Tevfik Fikr
- << Önceki
- Sonraki
