EZELDEN AŞK ODUNA YANA GELDİM - SÜNBÜL SİNAN
Ezelden aşk oduna yana geldim
Anınçün tâ ebed mestâne geldim
Eğer nûş etmez isen sen bu meyden
Deme zâhid ki ben insana geldim
İçe bir cür’a ger râhip bu meyden
Koyup küfrü diye imana geldim
Olan meyhane-i vahdette mey-nûş
Çağırır küfr ile imana geldim
Saray-ı vahdet olmuşken makamın
Bu kesret âlemin seyrana geldim
Bu dehr içre görüp etme taaccüp
Çü gizli genç idim virane geldim
Var idi ilm-i ayne kabiliyyet
Görüben kendimi imana geldim
Çü birdir Sünbüli mâruf-u ârif
Edip dâva deme irfana geldim.