O TIFL-I NAZA EN EVVEL DİL-İ ŞEYDAYI BEN VERDİM - KOCA RAGIP PAŞA
GAZEL
Mefâ’îlün Mefâ’îlün Mefâ’îlün Mefâ’îlün
O tıfl-ı nāza en evvel dil-i şeydāyı ben verdim
Bu denlü şöhret-i ĥüsni sana hercāyi ben virdim
Muhaldür pāy-māl itse ġurur-ı sebt ile cānān
O şūnun destine mir’at-ı istiġnāyı ben virdim
N’ola mestāne ķasd-ı katl-i āşık itse ayb itmem
Ki meclisde o yāre sāgar-ı sahbāyı ben virdim
Dehānın nükte-i ser-bestedür ĥall itmemiş kimse
O sırr-ı mübheme cānā yine manāyı ben virdim
N’ola divane veş Rāġıb cünūn arż itse Mecnūn’a
Dil-i şeydāya zirā māye-i sevdāyı ben virdim
İLGİLİ İÇERİK
