MURAD ÜZRE ACEB BU ÇARH-I NİLİ-FAM DÖNMEZ Mİ - KOCA RAGIP PAŞA
GAZEL
Murâd üzre aceb bu çarh-ı nîlî-fâm dönmez mi
Bizim de bezmimiz içre bir iki câm dönmez mi
Gelürken bezme döndermiş rakîb-i bed-meniş yârı
Varup ardınca itsek bir dahi ibrâm dönmez mi
Sen insâf eyle câna dönmedünse i‘tikâdundan
İdeydim sen kadar bir kâfiri ilzâm dönmez mi
Bu bir meşhûr meseldir ki efendi gün döner dirler
Benim âlûde-i hicr oldugum eyyâm dönmez mi
Sirişkim cedvel iken cûy olup deryâ-nümûn oldı
Dahi bilmem ki Râgıb âsiyâb-ı kâm dönmez mi
(Demirbağ, Ömer (1999). Koca Râgıb Paşa ve Dîvân-ı Râgıb. Doktora Tezi. Van: Yüzüncü Yıl Üniversitesi. 370).
İLGİLİ İÇERİK