Kullanıcı Oyu: 0 / 5

Yıldız etkin değilYıldız etkin değilYıldız etkin değilYıldız etkin değilYıldız etkin değil
 

HEVAYI GÖR Kİ NİCE HOŞ HEVADUR-AHMEDİ

Hevâyı gör ki nice hoş hevâdur
Cihân kuşlar üninden pür-nevâdur

Meger gül-bün Süleymân-çetr oldı
Ki bülbül anda Dâvûdî-edâdur

Nikâb-ıla gelür gül-zâra gonca
İy rahmet ana kim ehl-i hayâdur

Başına urdı nergis tâc-ı zerrîn
Bögün kim lâle yâkûtî kabâdur

Çiçeklerle çemen eyle bezenmiş
Ki cennet dir-isen ana revâdur

Dem-i rûhü’l-emîn oldı hevâ kim
Bu yir yüzi tolu neşv ü nemâdur

Arûs-ı gül kamu reng oldı vü bûy
Meger meşşâta-i bâd-ı sabâdur

Kamu söz-ile görgil lâleyi kim
Yüzinün rengi nice dil-güşâdur

Sabûh iç dir sana bülbül sabâhın
Ki subhun bâdesi câna safâdur

Hevâ müşg-i Hıtâ oldı eger sen
Mey-i gül-rengi itsen hatâdur

Gül ü bülbül arasında işit kim
Gice subha degin ne mâcerâdur

Seherde bülbül envâ-ı lügatde
Ne söylerse kamu şâha duâdur

Şeh-i Zühre-saâdet kim vücûdı
Güneş bigi kamu cûd u seHâdur

Süleymân-ı zamâne mîr Sülmân
Ki cinn ü inse ol fermân-revâdur

Bu şâh-ı şîr-dildür kim elinde
Kılıcı düşmen üzre ejdehâdur

Sünüsidür anun bir mâr-ı efi
Yayından çıhan oh tîr-i kazâdur

Kamu sâz u nevâsı-y-ıla Zühre
Serâyında anun perde-sirâdur

Anun cûdından alur çeşme icrâ
Anun-çun teşne-dillere devâdur

Bulıt cûdından ider kesb-i idrâr
Hayâsı var anun-çun ter gedâdur

Sabânun yili bigi hoş-nefesdür
Bahârun bâgı bigi hoş-likâdur

İşigi topragı cânlara iksîr
Ayagı tozı akla tûtîyâdur

Bahâdur Hândur u sultân u ânun
Yolınun tozı cânlara bahâdur

Penâh iderse dergâhın halâyık
Aceb mi çünki ol zıll-ı Hüœâdur

Anundur baht u taht u düşmeninün
Ümîœi yil bigi cümle hebâdur

Müdâm işi anun lutf u keremdür
Hemîşe pîşesi cûd u atâdur

Bu tâhûn-ı felek altında hışmı
İricek hasma tâûn ı vebâdur

İnâyet hem-inandur ana Hakdan
Pes ana saltanat tâc-ı sezâdur

Ne layık Ahmedî’ye şehden ihsan
Vazîfe andan ol şâha duâdur

Niçe kim devr-ile yıllar fuzûlî
Bahâr u sayf u pâyîz ü şitâdur

Revân olsun şehün hükmi cihâna
Ol aradan ki hatt-ı istivâdur

Anı Hak bâki itsün kim cihânun
Duâsı ol hazrete tûl-i bekâdur

İLGİLİ İÇERİK

AHMEDÎ HAYATI ve ESERLERİ

AHMEDÎ HAYATI-ESERLERİ

CEMŞÎD Ü HURŞÎD ÖZETİ - AHMEDİ

İSKENDERNÂME ÖZETİ - AHMEDİ

DİVAN ŞAİRİ VE ŞİRİLERİ

SON EKLENENLER

Üye Girişi