YAKIŞMAZ ŞÂ’İRE VÂDÎ-İ CERRÂR - SÜMBÜLZADE VEHBİ
KASİDE
....
(38-44)
Yakışmaz şâ’ire vâdî-i cerrâr
Budur erbâb-ı tab’a pek büyük ‘âr
Yazar bâ’zı gedâ rüsvâ-yı ‘âmı
Zifâf u mevlid-i hâs u ‘avâmı
Yapıp târîhler sûr-ı hitâna
Keser çok işler engüşt-i beyâna
Birisi su akıtsa çeşmesâre
Olur icrâ-yı medhe pâre pâre
Eder rîzân o suya âb-ı rûyun
Sanur bî-çâre kim buldurdu suyun
Bir âdem eylese niyyet binâya
Temel vaz’ eyler evvelce senâya
Bahâr olsa esip bâd-ı makâli
Hazâna ugradır bâg-ı hayâli
....
(46-51)
Olur her mürdeniñ mersiyye-h’ânı
Bedenden çıkmadan evvelce cânı
Kazıp târîhler seng-i mezârı
‘Azâba ugradır mevtâ-yı zârı
Eder nazm-ı kelâmı cerre müncer
O gûne bed-edâ cerrâr-ı ahkar
Gezip ol derbeder ashâb-ı câhı
Kapılarda okur gûyâ ilâhî
Sü’âliñ feth edip her dürlü bâbın
Dilenci torbası eyler kitâbın
Bu ta’cîzi görüp ashâb-ı hayrât
Zarûrî etdi sedd-i bâb-ı hayrât
İLGİLİ İÇERİK