ŞEVKİ YOK - RECÂİZÂDE MAHMUT EKREM
Gül hazin., sünbül perişan., bağ-zârın şevki yok..
Derd-nâk olmuş hezâr-ı nağme-kârın şevki yok
Başka bir hâletle çağlar cûy-bârm şevki yok
Âh edib inler nesîm-i bî-karârın şevki yok
Geldi amma neyleyim sensiz bahârın şevki yok!
Farkı yoktur giryeden rû-yi çemende jâlenin
Hûn-i hasretle dolar câm-ı sefâsı lâlenin
Meh bile gayretle agûşunda ağlar hâlenin
Gönlüme te'siri olmaz ateş-i seyyâlenin
Geldi ammâ neyleyim sensiz bahârm şevki yok!
Rûha verdikçe peyâm-ı hasretin her bir sehâb
Câna geldikçe temâşâ-yı ufuktan piç ü tâb
İhtizâz eyler çemen... izhâr eder bin ızdırâb
Hem tabiat münfâil hicrinle hem gönlüm harâb
Geldi ammâ neyleyim sensiz bahârm şevki yok!
İLGİLİ İÇERİK