GAZEL (BU YERLERDİR ESİR-İ AŞKI..) - RECÂİZÂDE MAHMUT EKREM
Bu yerlerdir esîr-i aşkı canân olduğum yerler
Bu yerlerdir bigâh-ı rahma şâyân olduğum yerler
Bu yerlerdir edip derd-bîmârımı teşrih
Lebinden tâlib-i dârû vü dermân olduğum yerler
Bu yerlerdir tutup destim sıkınca bağteten bilmem
Ne türlü hissin îcâbıyle lerzân olduğum yerler
Bu yerlerdir îtâb u lûtfe hep birden olup mazhar
Olurken zâr u giryân şâd u handân olduğum yerler
Bu yerlerdir gezerken el ele fikr-i firâkiyle
Gidip bir gûşede tenhâca giryân olduğum yerler
Bu yerlerdir edip fikr ü hayâlim hasr cânâna
Taa lûktan müberrâ mahz-ı nisyân olduğum yerler
Bu yerlerdir visâle gözlerinden hiss edip meylin
Tahassürle harîs-i bûs-ı damân olduğum yerler
Bu yerlerdir tahammülsüzlüğümden ahd edip terkin
O ahdimden yine her ân peşîman olduğum yerler
Bu yerlerdir görüp hin nâz bin şiveyle reftârın
Misâl-i sâye etrafında pûyân olduğum yerler
Bu yerlerdir niyaz u nâzın emr-i ittifâkından
Şu sevdada olan icâza hayran olduğum yerler
Bu yerlerdir hücûnı-ı şiddet-i efkâr-ı hasretle
Misâl-i Kays-ı âvâre girîzân olduğum yerler
Bu yerlerdir tutup her servierte cûları şâhid
Anınla ukde-bend-i habl-i peymân olduğum yerler
Bu yerlerdir nihâyet el-vedâ-î yâr ile Ekrem
Yetîmâne garîb ü zâr ü nalân olduğum yerler
Mukaddes yersiniz billâh hazindir hâliniz ammâ
Ey istihbâr-ı firkatle perîşân olduğum yerler
Nasîb olsa ne var bir gûşenizde cismimin hâki
Hayâtımda size yârimle mihrnân olduğum yerler
İLGİLİ İÇERİK