KADI BURHANEDDİN - GÖNÜLÜME BEN DEDİM Kİ KANDESİN
Gönülüme ben dedim ki kandesin
Gamzesinün oklarıyla kandasın
Gîsusiyle bende düşdüm dir gönül
Didüm ana nola çünki bendesin
Nola öpdüm gözüme sürdüm seni
Sen dahi âlemde bir turvendesin
Bendesin sen bendeyim ben tapuna
Bendeyim ben niçe ki sen bendesin
Gözlerüm giryân ü biryândur gönül
Leblerün şekker özün pür-handesin
vezni: feilâtün feilâtün feilâtün feilün