ERZURUMLU İBRAHİM HAKKI - ACEP AŞK Ü ACEP AŞK...
Aceb aşk ü aceb aşk, ne deryadır İlahi
Güzeldir ne güzeldir, ne ra'nadır İlahi
Aceb bade-i hamra, aceb hüsn-i dil-ara
Aceb bahr-i musaffa, ne ma'nadır İlahi
Aceb nefh ü aceb sur; aceb nar ü aceb nur
Aceb nazır ü manzur, ne zîbadır İlahi
Aceb şûr ü aceb şevk, aceb vecd ü aceb zevk
Bizi hüsne eder sevk, ne ğavğadır İlahi
Aceb şive, aceb sübül. aceb zülf ü aceb leyl
Aceb aşk ü aceb meyl, ne sevdadır İlahi
Aceb mâh ü aceb şâh, odur her dile hem-râh
Aceb arif-i agah, ne dânâdır İlahi
Aceb Hakkı aceb şan, aceb ruh ü aceb zeyn
Aceb aşk ü aceb ayn, ne a'ladır İlahi
Erzurumlu İbrahim Hakkı
İLGİLİ İÇERİK
ERZURUMLU İBRAHİM HAKKI ŞİİRLERİ