AHMET PAŞA - HER KİMİN Kİ HEM DEMİ...
GAZEL
Her kimin kim hem-demi gül yüzlü bir cânân olur
Hanesi Cennet gibi dâim bahâristân olur
Hâr-ı müjgânımda fi'lhâl açılır nesrîn-i eşk
Bâğ-ı çeşmimden çün ol gül yaprağı pinhân olur
Baş koyar benzer sabâ ol gülizârın zülfüne
Ki ayağı bastığı yer sümbül ü reyhan olur
Ey şerâb-ı nâb içip azm-i hârâbat eyleyen
Her kime uğrarsan anın hanesi vîrân olur
Âşık u ma'şûka benzer âsmân ile zemîn
Kim biri ağladığınca birisi handan olur
Tîr-i gamzen andığıyçün Ahmed-i dil-hasteye
Müddeînin sözleri her biri bir peykân olur
Ahmet Paşa